Monday, May 28, 2007
Thursday, May 24, 2007
Tuesday, May 22, 2007
မိမိနှင့်ထပ်တူမေတ္တာပို့ခြင်း
::
(၁) အိပ်ယာမှချမ်းချမ်းသာသာ နှင့် နိုးထရသည်
ဝေဒနာကင်းစွာ ကောင်းသောအိပ်စက်ခြင်းမှ နိုးထရသည်
လွန်စွာကောင်းလေစွ
သန့်စင်သောနံနက်ခင်း လေပြေများရှုရှိုက်ရင်း မင်္ဂလာစကားများ ဓမ္မတေးများ သာလျှင် နားဆင်ပြီး
ရင်ဆိုင်ရမည့် တနေ့တာအတွက်ပြင်ဆင်သည်။ ကောင်းသော အတိတ် နမိတ်ကိုဆောင်သည့် စကားများကိုပြောဆိုကြပါ..
ချမ်းသာလေစွ..
မိမိ၏ချမ်းသာခြင်းနှင့်ထပ်တူ လူသားအားလုံးချမ်းသာကြပါစေ...
(၂) ကြည်လင်သော ရေ နှင့် မျက်နှာသစ်စဉ် ဖြစ်ပျက်ခြင်း ယိုယွင်းခြင်း စသည်အထိမှတ်နိုင်လျှင်ကောင်းသည်..
ထိုအဆင့်သို့မရောက်လျှင် ရေအဆင်ပြေသည် မျက်နှာနှင့်ခန္ခာကိုယ်သန့်စင်သွားသည်
လန်းဆန်းသွားသည်.. ကောင်းလေစွ
ရေအဆင်မပြေမှု ကြုံဘူးသူမှသိမည်..
မိမိရန်ကုန်တွင်နေစဉ်က ထိုဒဏ်ကိုကောင်းကောင်းခံဘူးသည်။
၃ ၄ ရက်ခန့်မျက်နှာသစ်ရန် နံနက် ရေတဖလားမှအပ မရှိ
ရေသံကြားလျှင် ရူးချင်စိတ်ပင်ပေါက်သည်
ထို့ကြောင့် သန့်စင်သောရေဖြင့် ခန္ခာကိုယ်သန့်စင်ခွင့်ရခြင်းသည်လည်း
ကောင်းလေစွ..
မိမိ၏ချမ်းသာခြင်းနှင့်ထပ်တူ လူသားအားလုံးချမ်းသာကြပါစေ...
(၃) နံနက်စာတွင် စားချင်စိတ်ရှိခြင်း
မိမိစားလိုသည့် အရာများအဆင်ပြေခြင်း
မိမိစားလိုသည့် အချိန်တွင် စားချင်သည်များကို စားခွင့်ရခြင်း
ချမိးသာလေစွ
မိမိ၏ချမ်းသာခြင်းနှင့်ထပ်တူ လူသားအားလုံးနံနက်ခင်း အစားအစာများ အဆင်ပြေကြပါစေ..
(၄) ရုံးသွားပြီ
လမ်းခရီးတွင် ဘေးမသီရန်မခ မိမိလိုရာသို့ အချိန်မှီ မပင်မပမ်းရောက်ရ၏
တခါတရံတွင် ဒေါသထွက်စရာများကြုံရ၏
ဒေါသထွက်သွားကြောင်းသိလိုက်ပါ
မသိလိုက်က ဒေါသ၏လောင်မြိုက်မှုကိုခံရပေမည်
ခွင့်လွှတ်လိုက်ပါ
ငြိမ်းချမ်းပါသည် စိတ်ကိုမညစ်နွမ်းစေပါနှင့်
မိမိကဲ့သို့ အခြားသူများလည်း ကျင့်ကြံ ငြိမ်းချမ်းကြပါစေ...
(၅) ဆေးရုံကြီး ရှေ့မှအမြဲဖြတ်ရသည်
ဝေဒနာနှင့်ပတ်သက်ပြီး သီးသန့်စာအများကြီးရေးချင်သည်..
သို့သော် ယခုစာတွင် အကျဉ်းသာရေးအံ့
လူတွေအပြင်လောကတွင်လှုက်ရှားသွားလာကြသည့်နည်းတူ
ဆေးရုံနှင့် ရင်ခွဲရုံများတွင်လည်းလူများရှိနေပါသည်
ဆေးရုံတွင်ရှိနေသောသူများ ဝေဒနာတို့သက်သာပျောက်ကင်းပြီး
ခံစားရသောရောဂါများပျောက်ကင်းကြပါစေ..
ကံရှိသည့်အတွက်ခံရလျှင်လည်း ဝေဒနာကိုတရားနှင့်ယှဉ်ပြီး ရှုမှတ်နိုင်ကြပါစေ
ပြုံးသေ နှင့် မဲ့သေ ကိုနားလည်သဘောပေါက်နိုင်ကြပါစေ...
လူသားတိုင်း ကိုယ်စိတ်နှစ်ဖြာကျမ်းမာချမ်းသာကြပါစေ..
Subscribe to:
Posts (Atom)
